عدت سنة على بعدي

عدت سنة على بعدي ليه !! وقابلته صدفة جريت عليه أول ما شوفته ندهت ليه وسألت قلبه عامل إيه .. وبعدت عني فى لحظة ليه ؟؟ ردت عينيه وقالتلي مين ؟؟ وسكت راحت روحي ليه وبكل شوق رديت عليه فكرت قلبه بحبي ليه وليالي حلوة آدتها ليه وبدمع عيني حضنت فيه وحاولت أقول إحساسي ليه وكأنه فات مليون سنة !! معرفشي أصلا مين أنا ولقيت عنيا بتبكي ليه ... وفى لحظة قال ميهمنيش دمعك رخيص ميهزنيش قلبي انصدمت وصرخت فيه معرفتنيش ... !!؟؟ ازاى تكون معرفتنيش !! بتقول لمين ميهمنيش ؟؟ وحاولت اعرف نفسي ليه فكرته يوم ما شغلني بيه وأزاي زمان قربني ليه وسألته ليه علقني بيه وليه جرحني وروحي فيه ضحك وقالي عايزة إيه ؟؟ أنا مش حبيبك واقفة ليه !! حبك دا وقت وراح عليه قلبك دا شيئ ولعبت بيه وحبي ليكي دا وهم فيه بصيت وانا مصدومة فيه مستغرباه ؟؟ ازاي بينكر حبي ليه ؟؟ وذكرياتي تهون عليه ؟؟ وعرفت انه خدعني فيه علشان كدة معرفش مين واكيد ضحاية هواه كتير ولقتني بسبق خطوتي رنت فى قلبي كلمته وحاولت أبين قسوتي كان نفسي أنزل دمعته وأتمنيت لو كنت نسيته ولا مكنتش يوم حبيته قولت يارتني ما كنت قابلته ليه خلتني يا قلبي عرفته واهو من يومها وقلبي بيبكي ولسه دموع الجرح بتشكي لكن لازم بعده هعيش ولازم قلبي يحب جديد